தடை செய்யப்பட்ட புகையிலைப் பொருட்கள் 500 கிலோ தீயிட்டு அகற்றம்
புவனகிரியில் இரண்டு ஆண்டுகளில் பறிமுதல் செய்யப்பட்ட ஹான்ஸ் குட்கா உள்ளிட்ட 500 கிலோ போதை பொருட்கள் தீயிட்டு அழிப்பு
கடலூர் மாவட்டம் புவனகிரியில் புவனகிரி காவல்துறை சார்பில் வாகன சோதனைகள் உள்ளிட்ட பல்வேறு சோதனைகளின் போது கடந்த இரண்டு ஆண்டுகளில் 500 கிலோ குட்கா, ஹான்ஸ், கூல் லிப் உள்ளிட்ட பல்வேறு போதை பொருட்கள் பறி முதல் செய்யப்பட்டன.
மேலும் இதில் தொடர்புடைய குற்றவாளிகள் வழக்கு பதிந்து சிறையில் அடைக்கப்பட்டனர். இந்நிலையில் தற்போது இரண்டு ஆண்டுகளாக பறிமுதல் செய்யப்பட்ட 500 கிலோ குட்கா ஹான்ஸ் போதை பொருட்கள் காவல் நிலையம் அருகில் உள்ள ஆற்றுப்பகுதியில் பள்ளம் தோண்டியும் மூட்டை மூட்டையாக இருந்த போதை பொருட்களை தரையில் கொட்டியும் அதன் மீது பெட்ரோல் ஊற்றி தீயிட்டு அழித்தனர்.
