in

மேகதாது அணை விவகாரம்: பிரதமர் மோடியின் மௌனம் அச்சத்தை ஏற்படுத்துகிறது – மாணிக்கம் தாகூர் எம்.பி. கண்டனம்!

மேகதாது அணை விவகாரம்: பிரதமர் மோடியின் மௌனம் அச்சத்தை ஏற்படுத்துகிறது – மாணிக்கம் தாகூர் எம்.பி. கண்டனம்!

தஞ்சாவூர்: மேகதாது அணை கட்டப்படும் என பிரதமர் முன்னிலையில் கர்நாடக துணை முதல்வர் டி.கே. சிவகுமார் பேசியதற்கு தமிழ்நாடு காங்கிரஸ் கமிட்டி தலைவர் மாணிக்கம் தாகூர் கடும் கண்டனம் தெரிவித்துள்ளார்.

தஞ்சாவூரில் செய்தியாளர்களை சந்தித்த அவர், பிரதமர் முன்னிலையில் கர்நாடக துணை முதல்வர் இவ்வாறு பேசியபோது பிரதமர் மோடி உடனடியாக கண்டித்திருக்க வேண்டும் என்றும், அவரது மௌனம் அச்சத்தை ஏற்படுத்துவதாகவும் தெரிவித்தார். காவிரி விவகாரத்தில் தமிழ்நாட்டிற்கு பிரதமர் துரோகம் செய்யக்கூடாது என்றும் வலியுறுத்தினார்.

மேலும், காவிரி விவகாரத்தில் தமிழக அரசியல் கட்சிகள் முதலில் ஒற்றுமையாக இருக்க வேண்டும் என்றார். குழந்தைகள் தின வாழ்த்து அட்டையில் நேரு படம் இடம்பெறாதது குறித்த கேள்விக்கு, அட்டையில் படம் இடம்பெறுவதைவிட விழாக்கள் நினைவூட்டும் வரலாறுதான் முக்கியம் என பதிலளித்தார்.

தமிழக வெற்றிக் கழகத்தின் ஆறு மாத ஆட்சி, திமுக ஆட்சியை விட சிறப்பாக இருப்பதாகவும், லஞ்சம், ஊழல் இல்லாமல் சட்டம் ஒழுங்கு சிறப்பாக இருப்பதாகவும் தனது கருத்தை தெரிவித்தார்.

தொடர்ந்து கூட்டணி குறித்த கேள்விக்கு, தாங்கள் கூட்டணியில் ஒன்றாக இருப்பதாகவும், இந்தக் கூட்டணி நீண்ட காலம் நீடிக்கும் என்றும், உள்ளாட்சித் தேர்தல் அறிவிக்கப்பட்டதும் தங்களது நிலைப்பாடு தெரிவிக்கப்படும் என்றும் கூறினார்.

கள்ளக்குறிச்சி மாவட்ட ஆட்சியர் விவகாரம் குறித்த கேள்விக்கு, நடைபெறாத ஒரு சம்பவத்திற்கு தேவையில்லாமல் பல்வேறு கற்பனைகளைச் சேர்ப்பது ஏற்புடையதல்ல என்றும் மாணிக்கம் தாகூர் தெரிவித்தார்.

What do you think?

கார்த்திகை தீபத் திருவிழா அகல் விளக்கு செய்யும் பணியில் தீவிரம்

திருக்கார்த்திகை தீப திருவிழா 12 திருக்குடைகள் காணிக்கை