மீன்வளத்துறை குடும்பத்தினருடன் சிறப்பு வழிபாடு
உலகப் புகழ்பெற்ற வேளாங்கண்ணி பேராலயத்தில் மீன்வளத்துறை அமைச்சர் ஸ்ரீநாத் குடும்பத்தினருடன் சிறப்பு வழிபாடு; நிருபர்களின் கேள்விகளுக்கு பதிலளிக்காமல் தவிர்த்து சென்ற அமைச்சர்
நாகப்பட்டினம் மாவட்டம் உலகப்புகழ்பெற்ற வேளாங்கண்ணி புனித ஆரோக்ய மாதா பேராலயத்திற்கு மீன்வளத்துறை அமைச்சர் ஸ்ரீநாத் தனது குடும்பத்தினருடன் வருகை தந்து சிறப்பு வழிபாடு நடத்தினார்.
பேராலயத்திற்கு வந்த அமைச்சருக்கு, பேராலய நிர்வாகம் சார்பில் வரவேற்பு அளிக்கப்பட்டது. அதனைத் தொடர்ந்து, பேராலயத்தின் உள்ளே சென்ற அமைச்சர் ஸ்ரீநாத், தனது குடும்பத்தினருடன் மாதா முன்பு மண்டியிட்டு வழிபாடு செய்தார்.
தொடர்ந்து மெழுகுவர்த்தி ஏற்றி பிரார்த்தனை செய்தார். இதனைத் தொடர்ந்து, பேராலய வளாகத்தில் ஏழை, எளிய மக்கள் மற்றும் ஆதரவற்றோர் என சுமார் 100 பேருக்கு அமைச்சர் சார்பில் பிரியாணி மற்றும் புத்தாடைகள் வழங்கப்பட்டன.
நிகழ்ச்சி முடிந்து வெளியே வந்த அமைச்சர் ஸ்ரீநாத்திடம், அங்கு கூடியிருந்த செய்தியாளர்கள் கேள்விகளை எழுப்பினர். ஆனால், செய்தியாளர்களின் கேள்விகளுக்கு எந்தவித பதிலும் அளிக்காத அமைச்சர், அவர்களை நோக்கி இரு கைகூப்பி வணக்கம் தெரிவித்தவாறு “ஐ லவ் யூ… ஐ லவ் யூ…” என்று மட்டும் கூறி நழுவிச் சென்றார்.
