திருவாடானையில் சற்று முன் பெய்த மழையால் மக்கள் மகிழ்ச்சி
வெப்பம் தணிந்து குளிர்ச்சியான சூழல் – பொதுமக்கள் நிம்மதி
திருவாடானை: ராமநாதபுரம் மாவட்டம், திருவாடானை மற்றும் அதன் சுற்றுவட்டாரப் பகுதிகளில் கடந்த சில நாட்களாக நிலவி வந்த கடும் வெப்பம் மற்றும் புழுக்கத்தால் பொதுமக்கள் பெரும் அவதிக்குள்ளாகி வந்தனர்.
கடும் வெப்பம் காரணமாக பகல் நேரங்களில் வெளியில் செல்ல முடியாத நிலையும், அன்றாட பணிகளை மேற்கொள்வதில் சிரமமும் ஏற்பட்டது. மேலும், இரவு நேரங்களிலும் வெப்பத்தின் தாக்கம் அதிகமாக இருந்ததால் பொதுமக்கள் அவதிப்பட்டு வந்தனர்.
இந்நிலையில், திருவாடானை மற்றும் சுற்றுவட்டாரப் பகுதிகளில் சற்று முன் மழை பெய்யத் தொடங்கியது. அரை மணி நேரத்திற்கும் மேலாக தொடர்ந்து பெய்த மழையால், அப்பகுதியில் நிலவி வந்த வெப்பத்தின் தாக்கம் குறைந்து குளிர்ச்சியான சூழல் நிலவியது.
நீண்ட நாட்களுக்குப் பிறகு பெய்த மழையால் பொதுமக்கள் மகிழ்ச்சி அடைந்தனர். சிறுவர்கள் முதல் பெரியவர்கள் வரை மழையை உற்சாகத்துடன் வரவேற்றனர்.
கடும் வெப்பத்தால் அவதிப்பட்டு வந்த நிலையில், தற்போது பெய்துள்ள மழை பொதுமக்களுக்கு சற்று நிம்மதியை அளித்துள்ளது.
