சங்கர ராமேஸ்வரர் ஆலய ஐப்பசி திருக்கல்யாண திருவிழா திருதேரோட்டம்
தூத்துக்குடியில் உள்ள பழமையான அருள்மிகு பாகம்பியாள் உடனுறை சங்கர ராமேஸ்வரர் ஆலய ஐப்பசி திருக்கல்யாண திருவிழா திருதேரோட்டம் பாகம்பிரியாள் திருத்தேரில் எழுந்தருள அமைச்சர் ஸ்ரீநாத் மாவட்ட ஆட்சியர் விஷு மகாஜன் உள்ளிட்ட ஏராளமான பக்தர்கள் வடம் பிடித்து தேரை இழுத்தனர்.
தூத்துக்குடியில் உள்ள பழமையான பாகம்பிரியாள் உடனுறை சங்கர ராமேஸ்வரர் ஆலயத்தில் கொண்டாடப்படும் திருவிழாக்களில் சிறப்பு வாய்ந்தது ஐப்பசி திருக்கல்யாண திருவிழா ஐப்பசி திருக்கல்யாண திருவிழா கடந்த மாதம் 26 ஆம் தேதி கொடியேற்றத்துடன் துவங்கி ஒவ்வொரு நாளும் பாகம்பிரியாள் பல்வேறு வாகனங்களில் பல்வேறு அலங்காரங்களிள் எழுந்தருளி பக்தர்களுக்கு காட்சியளித்தார். மேலும் வீதி உலா நடைபெற்றது.
திருக்கல்யாண திருவிழாவின் முக்கிய நிகழ்ச்சியான திரு தேரோட்டம் இன்று காலை 10 30 மணிக்கு துவங்கியது முன்னதாக அபிஷேகம் மண்டபத்தில் எழுந்தருளிய பாகம்பிரியாளுக்கு சிறப்பு அபிஷேகம் மற்றும் தீபாராதனை நடைபெற்றது.
இதை தொடர்ந்து அபிஷேகம் மன்டபத்திலிருந்து கைலாய வாத்தியம் உள்ளிட்ட மேல தாளங்கள் முழங்க ஊர்வளமாக எடுத்துச் செல்லப்பட்டு தேரில் எழுந்தருளினார் பின்னர் தேரில் எழுந்தருளிய பாகம்பிரியாளுக்கு சிறப்பு தீபாராதனை நடைபெற்றது.
இதை தொடர்ந்து அமைச்சர் ஸ்ரீநாத், தூத்துக்குடி மாவட்ட ஆட்சியர் விஷு மகாஜன், உள்ளிட்ட ஏராளமான பக்தர்கள் தேரை வடம் பிடித்து இழுத்தனர்.
தேருக்கு முன்பாக தமிழர்களின் பாரம்பரிய கலைகளான சிலம்பம் ஒயிலாட்டம் மயிலாட்டம் பொய்க்கால் குதிரை கரகாட்டம் பறையாட்டம் நாசிக் டோல் காட்சில்லா மற்றும் ராட்சச நரி பொம்மைகள் ஊர்வலமாக செல்லும் நிகழ்ச்சிகள் நடைபெற்றன இதையடுத்து திரு தேர் நான்கு ரத வீதிகள் வழியாக வலம் வந்தது திருக்கல்யாண வைபவம் வருகிற 5 ஆம் தேதி இரவு நடைபெறுகிறது.
