🚨 தேனியில் விவசாயிகள் சாலை மறியல் போராட்டம்!

🚨 தேனியில் விவசாயிகள் சாலை மறியல் போராட்டம்!

விவசாய பயிர்க்கடன்களை முழுமையாக தள்ளுபடி செய்யவும், எல்நினோ பாதிப்பு காரணமாக தமிழகத்தின் அனைத்து மாவட்டங்களையும் வறட்சி மாவட்டங்களாக அறிவிக்கவும் வலியுறுத்தி தேனியில் இடதுசாரி விவசாய சங்கத்தினர் சாலை மறியல் போராட்டத்தில் ஈடுபட்டனர். போராட்டத்தில் ஈடுபட்ட விவசாயிகளை போலீசார் கைது செய்தனர்.

தவெக அரசு தேர்தல் வாக்குறுதியில் கூறியது போல விவசாயிகளின் கூட்டுறவு பயிர் கடன்களை முழுமையாக தள்ளுபடி செய்யக்கோரி தமிழகம் முழுவதும் இடதுசாரி விவசாய சங்கம் சார்பில் சாலை மறியல் போராட்டம் நடைபெற்றது

இதன் ஒரு பகுதியாக தேனி நேரு சிலையில் தமிழ்நாடு விவசாயிகள் சங்கம் சார்பில் சாலை மறியல் போராட்டம் நடைபெற்றது

முன்னதாக சிறிது தூரம் நடைபயணமாக வருகை தந்து பின்னர் நேரு சிலை முன்பு உள்ள சாலையில் அமர்ந்து சாலை மறியல் போராட்டத்தில் ஈடுபட்டனர்தவெக அரசு தேர்தல் வாக்குறுதியில் கூறியது போல விவசாயிகளின் கூட்டுறவு பயிர் கடன்களை முழுமையாக தள்ளுபடி செய்யக்கோரியும்,

எல் நினோ பாதிப்பால் அணைகளில் நீர் வரத்து இன்றி முதல் போக சாகுபடி செய்ய முடியாமல் போனதால் தமிழக முழுவதும் உள்ள மாவட்டங்களை “வறட்சி மாவட்டங்களாக” அறிவித்து விவசாயிகளுக்கு தமிழக அரசு நிவாரணம் வழங்க வேண்டியும்

மேகமலை – வருஷநாடு விவசாயிகளுக்கு 2006 வன உரிமை சட்டத்தின் படி பட்டா வழங்க கோரியும் உள்ளிட்ட பல்வேறு அம்ச கோரிக்கைகளை வலியுறுத்தி சாலை மறியல் போராட்டத்தில் ஈடுபட்டனர்

பின்னர் போராட்டத்தில் ஈடுபட்ட விவசாயிகளை போலீசார் கைது செய்து அழைத்துச் சென்றனர் இதனால் தேனி நேர சிலை பகுதியில் சிறிது நேரம் பரபரப்பு ஏற்பட்டது