தமிழக வெற்றி கழகம் பெயர் அறிவிப்பு – கரூரில் பட்டாசு வெடித்து, இனிப்புகள் வழங்கி ஆட்டோ ஓட்டுனர்கள், தரைக்கடை வியாபாரிகளுக்கு வேட்டி, சேலைகள் வழங்கி விஜய் ரசிகர்கள் கொண்டாட்டம்.
தமிழ்நாட்டில் முன்னணி நடிகர் நடிகரான விஜய் கடந்த 2009-ஆம் ஆண்டு நடிகர் விஜய் மக்கள் இயக்கம் என்று ஆரம்பித்து, பொது மக்களுக்கு மற்றும் பள்ளி மாணவர்களுக்கு பல்வேறு நலத்திட்டங்களை செயல்படுத்தி வந்தார்.
இந்த நிலையில் கடந்த ஓராண்டாக நடிகர் விஜய் கட்சி ஆரம்பிப்பதாக கூறிவந்த நிலையில், இன்று விஜய் மக்கள் இயக்கத்தை தற்போது “தமிழக வெற்றி கழகம்” என்று நடிகர் விஜய் தனது கட்சியின் பெயரை அறிவித்தார். இதையடுத்து தமிழ்நாடு முழுவதும் விஜய் ரசிகர்கள் மற்றும் நிர்வாகிகள் ஏராளமானோர் ஒன்று சேர்ந்து பல்வேறு மாவட்டங்களில் பட்டாசு வெடித்தும், இனிப்புகள் வழங்கியும் கொண்டாடி வருகின்றனர்.
இந்த நிலையில் கரூர் மாவட்ட விஜய் மக்கள் இயக்கத்தின் மாவட்ட தலைவர் மதியழகன் தலைமையில் 50க்கும் மேற்பட்ட நிர்வாகிகள் விஜய் நற்பணி மன்ற கொடியுடன் பட்டாசு வெடித்தும், பொதுமக்களுக்கு இனிப்புகள் வழங்கி கொண்டாடினர்.
அதனைத் தொடர்ந்து பேருந்து நிலையத்தை சுற்றியுள்ள ஆட்டோ ஓட்டுநர்கள், செருப்பு தைக்கும் தொழிலாளர்கள், பூக்கடை மற்றும் தரைக்கடை வியாபாரிகளுக்கு சீருடை மற்றும் வேட்டி, சேலைகளை வழங்கி தங்களது மகிழ்ச்சியை வெளிப்படுத்தினர்.
