மகா கந்த சஷ்டி பாராயணம்
மதுரையில் ஆயிரம் பெண்கள் அதிகாலை முதல் மாலை வரை தொடர் சஷ்டி கவசம் மனம் உருகி பாடினர்: மகா தீபாரதனை
மதுரையில் ஒரு நாள் முப்பத்தாறு முறை கொண்டு கந்த சஷ்டி கவசம் பாடி அசத்திய பெண் பக்தர்கள் பூஜை – மகா தீபாராதனை
உலக நன்மை வேண்டி மதுரையில் அரனருள் அறக்கட்டளை சார்பில் கந்த சஷ்டியை முன்னிட்டு ஒரு நாள் முப்பத்தாறு கொண்டு மகா கந்த சஷ்டி பாராயணம் நடத்த முடிவு செய்தனர்.
அதன்படி சென்னை, சேலம், திருச்சி, மதுரை, திருநெல்வேலி, கோயம்புத்தூர் ஆகிய ஆறு மாவட்டங்களில் ஒரு நாள் முப்பத்தாறு கொண்டு மகா கந்த சஷ்டி பாராயணம் நடைபெற்று வருகிறது.
முருகனின் அறுபடை வீடுகளில் முதற்படை வீடும் ஆறாவது படை வீடும் மதுரையில் இருப்பதால் மதுரை லட்சுமி சுந்தரம் மஹாலில் இன்று ஒரு நாள் முப்பத்தாறு கொண்டு காந்த சஷ்டி பாராயணம் அரனருள் அறக்கட்டளை நிறுவனர் ராஜலட்சுமி சிவசங்கரன் அவர்கள் தலைமையில் இன்று நடைபெற்று வருகிறது.
காலை 6 மணிக்கு 1000க்கும் மேற்பட்ட பெண் பக்தர்கள் மனம் உருகி கந்த சஷ்டி கவசம் பாட துவங்கினர். ஒவ்வொரு கவசம் பாடி முடிய நெய்வேத்தியங்கள் படைத்து சிறப்பு தீபாராதனை நடைபெற்றது. இப்படி தேன் தினை சர்க்கரைப் பொங்கல், என 36 நெய்வேத்தியங்கள் படைத்து வழிப்பட்டனர்.
இந்நிகழ்ச்சியில் மதுரை அட்சய பாத்திரம் டிரஸ்ட் நிறுவனர் நெல்லை பாலு, மதுரை நகர் மற்றும் கிராமங்களில் இருந்து ஆயிரத்திற்கும் மேற்பட்ட பெண்கள் கலந்து கொண்டு சஷ்டி கவசம் மனம் உருகி மெய்சிலிர்க்க பாடினர்.
