திருப்பதி ஏழுமலையான் கோயில் நவராத்திரி பிரம்மோற்சவ விழா சிம்ம வாகனம்
திருப்பதி ஏழுமலையான் கோயிலில் நடைபெற்று வரும் நவராத்திரி பிரம்மோற்சவ விழாவின் மூன்றாம் நாளான இன்று காலை, மலையப்ப சுவாமி சிம்ம வாகனத்தில் யோக நரசிம்மர் அலங்காரத்தில் எழுந்தருளி, நான்கு மாட வீதிகளில் வலம் வந்து பக்தர்களுக்கு அருள் பாலித்தார்.
விலங்குகளுக்கு அரசனாக விளங்கும் சிங்கமும் நானே என்பதை உணர்த்தும் வகையிலும், மனிதர்களிடம் உள்ள விலங்குத்தனமான தீய எண்ணங்களைப் போக்கிக் கொள்ள வேண்டும் என்பதை உணர்த்தும் வகையிலும், மலையப்ப சுவாமி சிம்ம வாகனத்தில் எழுந்தருளி பக்தர்களுக்கு அருள் பாலித்தார்.
சுவாமி வீதி உலாவின் போது, பல்வேறு நாடுகளைச் சேர்ந்த கலை நிகழ்ச்சிகளும், இசை நிகழ்ச்சிகளும், மற்றும் பக்தர்களின் கோலாட்டமும் நடைபெற்றன.
கடந்த 12ஆம் தேதி தொடங்கிய நவராத்திரி பிரம்மோற்சவ விழா, வரும் நாட்களில் பல்வேறு வாகன சேவைகளுடன் தொடர்ந்து நடைபெறும்.
