மழை நீரில் குளித்து சூட்டை தணித்த காகங்கள்
ச்சூ அப்பா என்னா வெயிலு; அடிக்கிற வெயிலுக்கு இத தவிர வேற வழி தெரியல; வெயில் தாக்கதை சமாளிக்க மழை நீரில் குளித்து சூட்டை தணித்த காகங்கள்
தமிழகத்தில் கோடை வெயிலின் தாக்கம் அதிகமாக உள்ளது. பல்லேறு மாவட்டங்கள் வெயில் சதமடித்து வருகிறது. இதனால் பொது மக்கள் வெளியில் தலைக்காட்ட முடியாமல் வீடுகளில் முடங்கி உள்ளனர்.
கடுமையான வெயிலின் தாக்கத்தால் நீர் நிலைகள் வறண்டு போயுள்ளதால் பறவைகள், நாய்கள் பெரிதும் பாதிக்கப்பட்டள்ளது.
இந்த நிலையில் நாகை மாவட்டத்தில் தற்போது சில தினங்களாக கோடை மழை பெய்து வருகிறது.
இதனால் வயல் , திடல் பகுதிகளில் மழை நீர் தேங்கி உள்ளதால் அந்த பகுதிகளுக்கு பறவைகள் படையெடுத்து வருகின்றன.
அந்த வகையில் நாகூர் பகுதியில் தேங்கி இருந்த மழை நீரில் காகங்கள் கூட்டமாக வந்து நீரில் மூழ்கி வெக்கையை தணித்துக் கொண்டதை வாகன ஒட்டி வீடியோவாக எடுத்து பகிர்ந்தார்.
அந்த வீடியோ தற்போது சமூக வலைத்தளங்ளில் வைரலாக பரவி வருகிறது.
