ஆகஸ்ட் மாதம் திருமணம் நடைபெறும் என சாய் தன்ஷிகா விஷால் அறிவிப்பு
47 வயதாகும் விஷாலும் (35 வயதான சாய் தன்ஷிகா ஆகஸ்ட் மாதம் திருமணம் செய்து கொள்ள உள்ளனர்.
நேற்று சென்னையில் நடந்த ‘யோகி டா’ பத்திரிகையாளர் சந்திப்பில் இரு நடிகர்களும் தங்கள் காதலை அதிகாரப்பூர்வமாக அறிவித்து மகிழ்ச்சியான செய்தியைப் பகிர்ந்து கொண்டனர்.
தன்ஷிகா, தாங்கள் ஒருவரையொருவர் 15 ஆண்டுகளாக அறிந்தவர்கள் என்றும், சமீபத்தில்தான் காதலிக்கத் தொடங்கியதாகவும் கூறினார். விஷயம் வைரலான பிறகு, தங்கள் உறவை அறிவிக்க வேண்டிய கட்டாயம் ஏற்பட்டதாக தன்ஷிகா கூறினார்.
“பத்திரிகையாளர் சந்திப்பில் நாங்கள் அறிவிப்பை வெளியிட விரும்பவில்லை. இருப்பினும், இன்று காலை ஒரு செய்தி வைரலானது. நிகழ்வு தொடங்குவதற்கு முன்பு ஊடகங்கள் முன் நண்பர்கள் போல் காட்டி கொள்ள நினைத்தோம். ஆனால், எல்லோருக்கும் விஷயம் தெரிந்த பிறகு, மறைக்க எதுவும் இல்லை என்று நாங்கள் உணர்ந்தோம்,” .”விஷலும் நானும் ஆகஸ்ட் 29 ஆம் தேதி திருமணம் செய்து கொள்ள திட்டமிட்டுள்ளோம்.
கடந்த 15 வருடங்களாக விஷாலை எனக்குத் தெரியும். கடந்த காலங்களில் நாங்கள் சந்திக்கும் போதெல்லாம், அவர் என்னை உரிய மரியாதையுடன் நடத்தினார். நான் மிகுந்த சிக்கலில் இருந்தபோது, அவர் என் வீட்டிற்கு வந்து எனக்காக குரல் கொடுத்தார். இதுவரை எந்த ஹீரோவும் என் வீட்டிற்கு வந்ததில்லை.
அவர் மகிழ்ச்சியாக இருக்க வேண்டும் என்று நான் விரும்புகிறேன். நான் உன்னை நேசிக்கிறேன், விஷால்.” என்று கூறினார். விஷால் தனது திருமணம் குறித்த செய்தியை ஊடகங்களுக்கு மகிழ்ச்சியுடன் வெளியிட்டார், “எனது திருமணம் நிச்சயிக்கப்பட்டுவிட்டது.
எனக்கு ஒரு காதலி இருக்கிறாள். தன்ஷிகாவின் தந்தை இங்கே இருக்கிறார், அவரது ஆசிர்வாதத்துடன், நான் அவரை அறிமுகப்படுத்துகிறேன். நான் விரும்பும், தன்ஷிகாவை திருமணம் செய்து கொள்ளப் போகிறேன்.
அவள் ஒரு அற்புதமான மனிதர்” என்று கூறினார். திருமணத்திற்குப் பிறகும் தன்ஷிகா நடிப்பார் என்றும் விஷால் உறுதியளித்தார் அவர் ஒரு சிறந்த திறமைசாலி. அவரது திறமையை நான் கட்டுப்படுத்த விரும்பவில்லை.
