கோலிவுட்டின் புது ‘டிராக்கன்’ பிரதீப் ரங்கநாதன்! மீண்டும் டைரக்டர் அவதாரம்
2025-ம் வருஷம் யாருக்கு எப்படியோ, ஆனா நம்ம பிரதீப் ரங்கநாதனுக்கு இது ஒரு பொற்காலம்னே சொல்லலாம். ஒரே வருஷத்துல ரெண்டு 100 கோடி கிளப் படங்கள்னு மனுஷன் வேற லெவல்ல ஸ்கோர் பண்ணிருக்காரு!
அஸ்வத் மாரிமுத்து இயக்கத்துல வெளியான ‘டிராக்கன்’ படம் இப்போ ஒரு மாபெரும் சாதனையை செஞ்சிருக்கு. சென்னை வெற்றி தியேட்டர், ஏ.ஜி.எஸ் போன்ற முக்கியமான தியேட்டர்கள் தங்களோட வருடாந்திர ‘நம்பர் 1’ லிஸ்ட்டை ரிலீஸ் பண்ணிருக்காங்க.
இதுல ஆச்சரியமான விஷயம் என்னன்னா, அஜித்தின் ‘குட் பேட் அக்லி’ மற்றும் ரஜினியின் ‘கூலி’ படங்களை விட பிரதீப்பின் ‘டிராக்கன்’ படத்துக்குத்தான் அதிகமான ரசிகர்கள் (Footfalls) வந்திருக்காங்க!
டிராக்கன்: குடும்பங்கள் கொண்டாடும் எமோஷன்ஸ், பக்காவான காமெடினு விமர்சன ரீதியாகவும் வசூல் ரீதியாகவும் மிரட்டுச்சு. டியூட் (Dude): தீபாவளிக்கு வந்த இந்தப் படம் கலவையான விமர்சனங்களை சந்திச்சாலும், இளைஞர்களின் ஆதரவால வெறும் 6 நாள்ல 100 கோடி வசூலைத் தாண்டி சாதனை படைச்சது. விக்னேஷ் சிவன் இயக்கத்துல ‘LIK’ (Love Insurance Kompany) படம் டிசம்பர்ல ரிலீஸ் ஆகி ஹாட்ரிக் அடிக்கும்னு எதிர்பார்த்தோம்.
ஆனா, சில காரணங்களால படம் பிப்ரவரி மாசத்துக்கு தள்ளிப் போயிருக்கு. லேட்டா வந்தாலும் லேட்டஸ்ட்டா வந்து பிரதீப் மறுபடியும் ஜெயிப்பாருன்னு ரசிகர்கள் நம்புறாங்க. மூணு படத்துல பிஸியா நடிச்சுட்டு இருந்த பிரதீப், ‘LIK’ படத்துக்கு அப்புறம் மறுபடியும் மெகாபோன் கையில் எடுக்கப் போறாராம்.
அதாவது அவரே நடிச்சு அவரே இயக்கப்போற புதுப் படத்தோட அறிவிப்பு சீக்கிரமே வரும்னு சொல்றாங்க. ரஜினி, அஜித் போன்ற ஜாம்பவான்கள் படங்களையே பின்னுக்குத் தள்ளி சென்னை தியேட்டர்கள்ல நம்பர் 1 இடத்தைப் புடிச்சது சாதாரண விஷயம் இல்ல.
பிரதீப் ரங்கநாதன் இப்போ உண்மையாவே கோலிவுட்டோட ‘Most Wanted’ ஹீரோவாகிட்டாரு!
