திருக்குறுங்குடி அருள்மிகு அழகிய நம்பிராயா் கும்பாபிஷேக திருப்பணி பாலாலயம்
திருக்குறுங்குடி அருள்மிகு அழகிய நம்பிராயா் திருக்கோயிலின் உபதிருக்கோயிலான அருள்மிகு திருப்பாற்கடல்நம்பி ( மலைநம்பி ) திருக்கோயிலில் கும்பாபிஷேக திருப்பணியை முன்னிட்டு மூலஸ்தானம் மற்றும் விமானம் பாலாலயம் விமா்சையாக நடைபெற்றது.
திருக்குறுங்குடி பேரருளாள இராமானுஜ ஜீயா் சுவாமிகள் ஏழுந்தருளி மங்களாசாசனம். திரளான பக்தா்கள் தாிசனம்.
நெல்லை மாவட்டம் மேற்கு தொடர்ச்சி மலையில் மகேந்திரகிாி மலை அடிவாரத்தில் அமைந்துள்ள திருக்குறுங்குடி அருள்மிகு அழகியநம்பிராயர் கோயில் 108 வைணவத்தலங்களில் 54வது திவ்ய தேசமாகும். இத் திருத்தலத்தில் பெருமாள் நின்ற நம்பி, கிடந்த நம்பி, இருந்த நம்பி, திருப்பாற்கடல் நம்பி, மற்றும் திருமலைநம்பி என்று ஐந்து நிலைகளில் பக்தர்களுக்கு அருள் பாலித்து வருகின்றாா்.
இதில் திருக்குறுங்குடி ஊருக்கு மேற்கே நம்பி ஆற்றங்கரையில் திருப்பாற்கடல் நம்பி திருக்கோயில் அமைந்தள்ளது. இத் திருக்கோவிலில் கும்பாபிஷேகம் நடத்த முடிவு செய்யப்பட்டு திருக்குறுங்குடி பேரருளாள இராமானுஜ ஜீயா் சுவாமிகள் அருளாசிகளுடன் மூலஸ்தானம் மற்றும் விமான பாலாலய விழா நேற்று 13ம் தேதி ஆரம்பமாயிற்று. அதிகாலை சன்னதி நடை திறக்கப்பட்டதும் விஸ்வரூபம் காலை சந்தி நடைபெற்றது.
பின்னா் நம்பிஆற்றில் இருந்து புனித நீா் எடுத்துவரப்பட்டது. திருக்கோவில் மகா மண்டபத்தில் அமைக்கப்பட்ட யாகசாலையில் மங்களஇசையுடன் விஷ்வக்சேன ஆராதனம் நடைபெற்றது, மாலையில் மூலவா் மற்றும் விமான கலாகா்ஷணம் நடைபெற்று முதல்கால யாகசாலை பூஜைகள் பூர்ணாகுதியுடன் நிறைவு பெற்றது. பாலாலய தினமான இன்று காலை திருக்குறுங்குடி பேரருளாள இராமானுஜ ஜீயா் சுவாமிகள் ஏழுந்தருளியதும் 2ம் கால யாகசாலை பூஜைகள் ஆரம்பிக்கப்பட்டு பூர்ணாகுதி நடைபெற்றது.
தொடா்ந்து யாகசாலையில் இருந்து புண்ணிய கலவங்கள் கோயில் பிரகாரமாக வலம் வந்து திருக்கோயிலில் அமைக்கப்பட்டிருந்த பாலாலய சன்னதியக்கு ஏழுந்தருளியதும் அங்கு பாலாலயம் செய்யப்பட்ட உருவங்களுக்கு புனித நீா் தெளிக்கப்பட்டது.
பாலாலய பெருமாளுக்கும் மலா்களால் அலங்காரம் செய்யப்பட்டு கற்பூர அரத்தி காண்பிக்கப்பட்டது. ஜீயா் சுவாமிகளுக்கு மாியாதை செய்யப்பட்டது. நிகழ்ச்சி ஏற்பாடுகளை திருக்குறுங்குடி திருஜீயர் மடம் மற்றும் அழகிய நம்பிராயா் திருக்கோயில் நிா்வாகத்தினா் செய்திருந்தனா்.
