விண்ணப்பத்தை மாற்றுத்திறனாளிகளுக்கான வீல் சேரில் எடுத்து சென்ற அவலம்
மதுரை மாவட்ட ஆட்சியர் அலுவலகத்தில் உங்களுடன் ஸ்டாலின் விண்ணப்பத்தை மாற்றுத்திறனாளிகளுக்கான வீல் சேரில் எடுத்துசென்ற அவலம் – வீல் சேர்களின் இருக்கை சேதம்
வரும் ஜூலை 15 ஆம் தேதி முதல் உங்களுடன் ஸ்டாலின் திட்டம் தொடங்கி நவம்பர் மாதம் வரை நடைபெறவுள்ளது. இதன் மூலமாக மகளிர் உரிமைத் தொகை உள்ளிட்ட 43 திட்டங்களுக்கான கோரிக்கைகளுக்குத் தீர்வு காணும் தன்னார்வலர்கள் மூலமாக விண்ணப்பங்கள் வழங்கப்படவுள்ளன.
இதற்காக மதுரை மாவட்ட ஆட்சியர் அலுவலகத்திற்கு சென்னையிலிருந்து லாரிகள் மூலமாக உங்களுடன் ஸ்டாலின் திட்டத்திற்கான விண்ணப்பம் கொண்டுவரப்பட்டு இறக்கி வைக்கப்பட்டது.
மாவட்ட ஆட்சியர் வளாகத்தில் இருந்து விண்ணப்பங்களை கட்டு கட்டாக தூக்கி செல்வதற்காக மாற்றத்திளனாளிகள் மற்றும் முதியவர்களை அழைத்துச் செல்வதற்காக பல்வேறு தொண்டு நிறுவனங்கள் மூலமாக வாங்கி வைக்கப்பட்ட வீல் சேர்களை பயன்படுத்தி அதனை லோடு வண்டி போல மாற்றினர்.
இதனால் வீல் சேர்களில் உள்ள லெதர் இருக்கைளை அதீத சுமை காரணமாக கிழிந்து சேதமடையும் நிலை ஏற்பட்டது. விண்ணப்பங்களை சுமந்து செல்வதற்காக மாற்றுத்திறனாளிகளுக்காக பயன்படுத்தக்கூடிய வீல் சேர்கள் பயன்படுத்த சம்பவம் சர்ச்சையை ஏற்படுத்தியுள்ளது.
விண்ணப்பங்களை எடுத்து வருவது விண்ணப்பங்களை உரிய அலுவலகங்களில் சேர்ப்பது என அத்தனை பணிகளுக்கும் அரசு சார்பில் உரிய நிதி ஒதுக்கீடு செய்யப்பட்ட ஒரு நிலையில் இதே போன்று மாற்றுத்திறனாளிகளுக்காக வீல் சேர்களை சேதம் அடையும் வகையில் விண்ணப்பங்களை எடுத்துச் சென்ற விவகாரம் சர்ச்சையை ஏற்படுத்தியுள்ளது.
