டூரிஸ்ட் ஃபேமிலி படத்தில் அனுமதி இல்லாமல் என் பாடல் பயன்படுத்தப்பட்டது
டூரிஸ்ட் ஃபேமிலி திரைப்படம் மிகப்பெரிய வெற்றியைப் பெற்று, பாக்ஸ் ஆபிஸில் ₹75 கோடிக்கு மேல் வசூலித்து, டிஸ்னி+ ஹாட்ஸ்டாரிலும் செம ஹிட். படத்தின் வெற்றிக்கு மத்தியில், அனுமதி பெறாமல் பாடல் இப்படத்தில் இடம் பெற்றதாக விவாதம் தலை தூக்கியது’.
தியாகராஜன் இயக்கிய மலையூர் மம்பட்டியான் திரைப்படத்தின் “மலையூர் நாட்டாமை” என்ற பாடல் இந்தப் படத்தில் இடம்பெற்றுள்ளது.
இந்தப் பாடல் மீண்டும் வைரலாகி வருவதால், தியாகராஜனின் சமீபத்திய பேட்டியில் உங்களிடம் அனுமதி கேட்க பட்டதா என்ற கேள்விக்கு
“திரைப்பட தயாரிப்பாளர்கள் பாடலைப் பயன்படுத்த என் அனுமதியைப் பெறவில்லை,” என்று அவர் கூறினார்.
” சிலர் என்னிடம் வழக்கு போடுங்கள், பணம் கேளுங்கள் என்று கூறினார்கள் ஆனால் நான் சட்ட நடவடிக்கை எடுக்கவோ அல்லது பணம் கேட்கவோ போவதில்லை.
உண்மையில், நான் அவர்களுக்கு பணம் கொடுக்க வேண்டும்! அவர்கள் ஒரு மறக்கப்பட்ட ரத்தினத்தை மீண்டும் உயிர்ப்பித்து மக்களிடம் கொண்டு வந்துள்ளனர், அது எனக்கு உண்மையிலேயே மகிழ்ச்சியைத் தருகிறது.
பதிப்புரிமை கோரும் எண்ணம் எனக்கு இல்லை.” தியாகராஜன் தனது படங்களில் இருந்து பாடல்களைப் பயன்படுத்தும் எவரும் எதிர்காலத்தில் அவரிடமிருந்து எந்த பதிப்புரிமைச் சிக்கல்களையும் எதிர்கொள்ள மாட்டார்கள் என்று கூறினார்.
அவரது அன்பான பதில், திரைப்படத் துறையில் சமீபத்தில் குட் பேட் அக்லியில் தனது இசையை அங்கீகரிக்கப்படாத முறையில் பயன்படுத்தியது தொடர்பாக இளையராஜாவின் சட்டப்பூர்வ நடவடிக்கையை பார்க்கும் போது வியப்பாகவும் பாராட்டவும் தோன்றுகிறது.
தியாகராஜனின் திறந்த மனதுடன் கூடிய அணுகுமுறையையும், பணத்தை விட கலைக்கு மரியாதை செலுத்துவதையும் ரசிகர்கள் பாராட்டியுள்ளனர்.
