40 வயசுல இந்த விருத.. நான் எதிர்பார்க்கவே இல்லை – தனுஷ்
தக்ஷின் மாநாட்டில் நடிகர் தனுஷுக்கு யூத் ஐகான் விருது வழங்கப்பட்டது. கேப்டன் மில்லர் லுக்கில் வந்து அவர் இவ்விருதை பெற்றுக்கொண்டார்.
நடிகர் தனுஷ் நடிப்பில் இந்த ஆண்டு ரிலீஸ் ஆன வாத்தி திரைப்படம் ரூ.100 கோடிக்கு மேல் வசூலித்து பிளாக்பஸ்டர் ஹிட் ஆனது. வாத்தி படத்தின் வெற்றிக்கு பின்னர் நடிகர் தனுஷ் நடிப்பில் கேப்டன் மில்லர் திரைப்படம் தயாராகி வருகிறது. கேப்டன் மில்லர் படத்தில் நடிகர் தனுஷுக்கு வில்லனாக கன்னட சூப்பர்ஸ்டார் சிவராஜ்குமார் நடிக்கிறார். இப்படத்தின் படப்பிடிப்பு விறுவிறுப்பாக நடைபெற்று வரும் நிலையில், நேற்று சென்னையில் நடைபெற்ற தக்ஷின் மாநாட்டில் கலந்துகொண்டார் தனுஷ். அப்போது அவருக்கு யூத் ஐகான் விருது வழங்கப்பட்டது. மத்திய தகவல் மற்றும் ஒளிபரப்புத்துறை அமைச்சர் அனுராக் தாக்கூர் தான் இவ்விருதை தனுஷுக்கு வழ்ங்கினார்.விருது வாங்கிய பின் பேசிய நடிகர் தனுஷ், 40 வயசுல யூத் ஐகான் விருது வாங்குவேன்னு சத்தியமா எதிர்பார்க்கவே இல்லை. இன்னும் நிறைய சாதிக்க இருக்கிறது. சினிமாவுக்கு வந்த புதிதில் நான் இதுபோன்ற கெட்டப்பில் வந்தபோது ஏற்க மறுத்தனர். ஆனால் தற்போது கொண்டாடுகிறார்கள்..நடிகர் தனுஷ் இந்த தக்ஷன் மாநாட்டில் கலந்துகொள்வதற்காக கேப்டன் மில்லர் படத்தின் படப்பிடிப்பை சத்யஜோதி தியாகராஜன் கேன்சல் செய்தாராம். அவருக்கும் அந்த விழாவில் நன்றி தெரிவித்துக் கொண்டார் தனுஷ். வேஷ்டி சட்டை அணிந்து வந்து யூத் ஐகான் விருது வாங்கிய தனுஷின் லேட்டஸ்ட் புகைப்படங்கள் தற்போது சோசியல் மீடியாவில் செம்ம வைரலாகி வருகின்றன.
GIPHY App Key not set. Please check settings