in ,

திருவண்ணாமலையில் ஆடி மாத பௌர்ணமி விழா லட்சக்கணக்கான பக்தர்கள் கிரிவலம் | Thiruvannamalai


Watch – YouTube Click

திருவண்ணாமலையில் ஆடி மாத பௌர்ணமி விழா லட்சக்கணக்கான பக்தர்கள் கிரிவலம் | Thiruvannamalai

உலகப் பிரசித்தி பெற்ற நினைத்தாலே முக்தி தரக்கூடிய திருவண்ணாமலை அண்ணாமலையார் கோவிலில் தினந்தோறும் ஆயிரக்கணக்கான பக்தர்களும் பௌர்ணமி உள்ளிட்ட நாட்களில் லட்சக்கணக்கான பக்தர்களும் திருவண்ணாமலைக்கு வருகை தந்து அண்ணாமலையாரை வழிபட்டு கோவிலின் பின்புறம் உள்ள 2668 அடி உயரம் கொண்ட மலையை சிவனாக எண்ணி 14 கிலோ மீட்டர் கொண்ட கிரிவலப் பாதையில் கிரிவலம் வந்து அண்ணாமலையாரை வழிபடுவார்கள்.

ஆடி மாத பௌர்ணமியான இன்று அதிகாலை 3 மணிக்கு தொடங்கி இன்று இரவு 3 மணி வரை கிரிவலம் வர உகந்த நேரமாக கோவில் நிர்வாகம் சார்பில் அறிவிக்கப்பட்டுள்ளது.

இன்று காலையிலிருந்து லட்சக்கணக்கான பக்தர்கள் திருவண்ணாமலை வருகை தந்து 14 கிலோமீட்டர் கொண்ட கிரிவலப் பாதையில் உள்ள இந்திரலிங்கம், அக்னி லிங்கம், குபேர லிங்கம் உள்ளிட்டஅஷ்ட லிங்கங்களை வழிபட்டு திருநேர் அண்ணாமலையார், அடி அண்ணாமலை உள்ளிட்ட முக்கிய கோவில்களிலும் தரிசனம் செய்து 14 கிலோமீட்டர் கொண்ட கிரிவலப் பாதையில் அண்ணாமலைக்கு அரோகரா ஓம் நமச்சிவாயா என்ற பக்தி முழக்கத்துடன் கிரிவலம் வந்து அண்ணாமலையாரை வழிபட்டனர்.

14 கிலோ மீட்டர் கொண்ட கிரிவலப் பாதை முழுவதும் கிட்டத்தட்ட 200க்கும் மேற்பட்ட இடங்களில் நவீன கண்காணிப்பு கேமராக்கள் பொருத்தப்பட்டு பக்தர்கள் அனைவரும் பாதுகாப்புடன் கிரிவலம் செல்ல ஏற்பாடுகள் செய்திருந்தனர்.

கிரிவலம் வரும் பக்தர்களுக்கு கிரிவலப் பாதையில் குடிதண்ணீர் மற்றும் கழிப்பிடம் உள்ளிட்ட அடிப்படை வசதிகள் மாவட்ட நிர்வாகம் சார்பில் ஏற்பாடுகள் செய்யப்பட்டிருந்தது.

அதேபோல் 9 இடங்களில் தற்காலிக பேருந்து நிலையங்கள் அமைக்கப்பட்டு பக்தர்களுக்கு தேவையான ஏற்பாடுகளை மாவட்ட நிர்வாகம் சார்பில் செய்திருந்தனர். அண்ணாமலையார் கோவில் நிர்வாகத்தின் சார்பாக சாமி தரிசனம் செய்ய வரும் பக்தர்களின் வசதிக்காக அண்ணாமலையார் ஆலயத்தில் மருத்துவ முகாமும் வெயிலின் தாக்கம் குறைய கோயில் ஊழியர்களால் தண்ணீர் கொடுக்கப்பட்டு பக்தர்கள் எந்தவித சிரமமும் இன்றி சாமி தரிசனம் செய்ய சிறப்பு ஏற்பாடு செய்யப்பட்டுள்ளது


Watch – YouTube Click

What do you think?

கிரேன் விழுந்து விபத்து 2 தமிழர்கள் உள்பட 17 பேர் பலி | Maharashtra Crane Accident

இஸ்லாமியர்களை சோதிக்காதீங்க ராஜ்கிரண் காட்டம் | Actor Rajkiran Speech